وجوده سرطان داخل أي فريق.. ميدو يهاجم كهربا

شن أحمد حسام ميدو، نجم الكرة المصرية السابق، هجوماً عنيفاً على محمود عبد المنعم كهربا، لاعب الفريق الأول لكرة القدم بالنادي الأهلي، عقب دخوله في صدام مع الجماهير، خلال مباراة شباب بلوزداد.

ورفض محمود كهربا، الذهاب إلى الجماهير، عقب الفوز على شباب بلوزداد، وطالب جميع اللاعبين بالخروج من الملعب، وعدم رد التحية على الجماهير، عقب الهجوم العنيف الذي قامت به الجماهير قبل بداية المباراة على اللاعبين عقب الخسارة أمام باتشوكا.

وكتب أحمد حسام ميدو عبر حسابه الرسمي على موقع التواصل الاجتماعي "تويتر"، من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش  أي سب لأي شخص ولكن غضب عن طريق إيصال رسائل إلى الادارة والجهاز واللاعيبه.

وتابع: "اللي عملوا فعلا جمهور الأهلي قبل الماتش ورد فعل اللاعيبة كان عظيم بالفوز الكبير وطبيعي ان الجمهور لما يلاقوا لاعيبتهم موتوا نفسهم في الملعب انهم يحيوهم بعد الماتش علشان يقفلوا الصفحة ويوصلوا للاعيبة رسالة ان بفوزك النهاردة الكبير الصفحة اتقفلت ومش هنقبل إلا بالأداء والنتائج دي".

وأضاف: "هي دي عقلية مشجع الاندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي اساس نجاح اي نادي كبير، وكان لازم اللاعيبة تروح تحيي الجمهور ويفهموا ان جمهورهم معاهم مش ضدهم".

واختتم: "انما ايه اللي حصل مين المستفيد الأكبر ان يكون في خلاف ما بين الجمهور والمجموعه علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور، الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من اصدقائي الاهلاوية زعلوا مني قرار التوقيع معاه اكبر غلطة في تاريخ الأهلي".